Söguslóðir 2011 - ferðalag til fortíðar í Norræna húsinu
06.06.2011
Hið árlega málþing samtakanna, Söguslóðir 2011
verður haldið í Norræna húsinu föstudaginn 29. apríl frá 14:00 - 17:00.
Fjallað verður um upplifun og þátttöku gesta í starfi safna og setra og
hvernig gesturinn getur ferðast aftur til fortíðar með upplifun á
hverjum stað. Aðal fyrirlesarar koma frá Svíþjóð þar sem þau hafa m.a.
séð um rekstur á járnaldarstað sem er rekinn með starfsemi fyrir
ferðamenn allt árið. Einnig kynnir Listaháskólinn upplifiunarhönnun og
verkefni sem snúa að því að færa gestunum söguna á fjölbreyttan hátt í
gegnum, hönnun, veitingar og aðra vöruþróun. Þá verða nokkur styttri en
einnig mjög áhugaverð erindi.
Laugardaginn 30 apríl munu síðan
félagmenn samtakanna sem telja yfir 80 aðila kynna Söguferðaþjónustu um
allt land með margvíslegum uppákomum, sögum, leiksýningum og kynningum í
Norræna Húsinu frá klukkan 11:00 -17:00.
Auglýsingu fyrir Söguslóðir má nálgast hér (pdf) eða á www.soguslodir.is