Denison Chamber Singers í Sögusetrinu

Í síðustu viku kom til okkar kór frá Bandaríkjunum Denison Chamber Singers. Kórinn hélt tónleika í Sögusetrinu á Hvolsvelli. Ísólfur G. Pálmason sveitastjóri tók á móti þeim og þakkaði fyrir tónleikana sem voru einstaklega góðir og ekki síður skemmtilegir.

Stjórnandi er Dr. Wei Cheng. Hún er þjóðkunnur tónlistarmaður í sínu heimalandi, prófessor, stjórnandi og söngvari og hefur m.a. unnið með Daniel Barenboim og Mstislav Rostropovich. Þá hefur Dr. Cheng séð um kórstjórn á alþjóðlegum óperuhátíðum og unnið til fjölda verðlauna. 

Á verkefnaskránni voru bæði ný og þekkt bandarísk kórverk, og einnig vinsæl söngleikja- & dægurlög. 
Kórinn hefur ferðast víða og haldið tónleika um öll Bandaríkin, alla Evrópu, Suður-Ameríku og í Kína. Hefur kórinn hvarvetna hlotið afburða viðtökur og glimrandi gagnrýni.