- Visit Hvolsvöllur
- Íbúar
- Stjórnsýsla
- Mannlíf
- English
D-listi gerði bókun vegna kaupanna sem hljóðar svona: Við erum samþykk kaupum á umræddri fasteign fyrir umrætt verð, enda eign í hjarta bæjarins og meðfylgjandi lóð sjálfur miðbær Hvolsvallar. Okkur finnst þó skorta skýra áætlun frá meirihlutanum um tilhögun endurbóta á húsnæðinu; um kostnað við þær, hvernig þær verði fjármagnaðar, hvernig þeim verði skipt niður í verkþætti o.s.frv., en ljóst er að ráðast þarf í umtalsverðar endurbætur á hinni keyptu eign. Við leggjum til að slík áætlun verði gerð og hún lögð fyrir sveitarstjórn til ákvörðunar, enda um að ræða breytingar á fjárfestingaáætlun ársins 2013. Samfara þessu yrði unnin greining í samræmi við 66. gr. sveitarstjórnarlaga nr. 138/2011 um mat á áhrifum fjárfestingarinnar á fjárhag sveitarfélagsins enda er það lögskylt fari fjárfestingin í heild sinni yfir 20% af skatttekjum sveitarfélagsins á því ári sem framkvæmdir hefjast.
Elvar Eyvindsson
Kristín Þórðardóttir
Með kaupum á þessari eign þá eykst skrifstofurými sveitarfélagsins og möguleiki verður á því að færa alla starfsemi sveitarfélagsins undir eitt þak.
Fundargerð sveitarstjórnar má sjá hér