9. fundur fræðslunefndar grunn- og leikskóla Rangárþings eystra

9. fundur fræðslunefndar grunn- og leikskóla Rangárþings eystra haldinn þann 24. maí 2012, klukkan 17:00 í fjarfundastofunni.



Fundur var settur kl. 17 og mættir eru Guðlaug Ósk Svansdóttir formaður nefndarinnar, Esther Sigurpálsdóttir, Arnheiður Dögg Einarsdóttir, Guðmunda Þorsteinsdóttir, Oddný Steina Valsdóttir, Lárus Bragason, Sigurlín Sveinbjarnardóttir, Pálína Björk Jónsdóttir, Ingibjörg Sæmundsdóttir, Árný Jóna Sigurðardóttir.

Þröstur Freyr Sigfússon var gestur fundarins í lið nr. 6.

Fundargerð ritar Gyða Björgvinsdóttir



Dagskrá fundarins:

1. Starfið í Hvolsskóla - Sigurlín
   
   Sigurlín fór yfir stöðuna í Hvolsskóla, skólastarfið hefur gengið mjög vel þennan veturinn og stöðugleiki er í starfsmannahaldi. Einn kennari hættir og annar hefur verið ráðinn. Tveir kennarar fara í námsleyfi og tveir stuðningsfulltrúar hætta, að auki er einn kennari í fæðingarorlofi. Einn kennari kemur tilbaka úr veikindaleyfi. Skipulag fyrir næsta vetur gengur vel og örugglega og eru stundatöflur fyrir næsta vetur að mestu tilbúnar.
   
   Sigurlín ræddi um vinnu Sjálfsmatsnefndarinnar, en Sjálfsmatsskýrsla skólans er að mestu tilbúin og áætlað er að klára hana í næstu viku.
   
   Skólaakstur, einn skólabílstjórinn er að fara á eftirlaun.
   
   Umræður varðandi samfelluna, rætt um að hætt sé við ruglingi þegar mikið er verið að hringla með samfellu og skólaakstur. Kynna þyrfti samfelluna betur fyrir nýjum foreldrum. Þyrfti að vera upplýsingabæklingur fyrir nýja foreldra með hagnýtum upplýsingum, m.a. vegna skólastarfsins, samfellunnar og Mentor.
   
   Í næstu viku verður fundur varðandi samfellustarfið, svo hægt sé að undirbúa samfelluna í tíma og mögulega verði hægt að hefja samfellustarfið um leið og skólinn hefst.
   
   Umræður um Skólaskjólið, frá skólasetningu til skólaslita verði Skjólið opið.
   
   
2. Skóladagatal Hvolsskóla lagt fram og kynnt
   
   Sigurlín kynnti skóladagatal Hvolsskóla fyrir árið 2012 – 2013. Aftur er gengið út frá því að hafa skólaárið 170 daga í stað 180 daga, með þessu næst klárlega sparnaður. Tæplega 90 % foreldra eru ánægð með þessa breytingu samkvæmt foreldrakönnun. Fræðslunefnd samþykkir framlagt skóladagatal fyrir skólaárið 2012 – 2013.
   
   
3. Umræður um mötuneyti skólanna.
   
   Yfirmatráður grunnskólans fer á eftirlaun í haust og tillögur eru um að kokkur leikskólans sjái um mat fyrir bæði grunn- og leikskólann, til reynslu í eitt ár.
   
   Með þessu ættu innkaup m.a. að verða hagstæðari. Starfsmenn eldhúss skólans sjá áfram um ávextina á morgnanna, morgunkaffi starfsmanna og síðdegishressingu.
   
   2010 komu athugasemdir vegna gryfjunnar í skólanum. Tillögur eru um að loka gryfjunni í sumar, þó ekki óafturkræfar breytingar. Með þessum breytingum stækkar matsalurinn um 75 fm. Skólinn stefnir í átt að meira heilsueflandi skóla með bættu mötuneyti.
   
   
4. Stafið í Leikskólanum Örk – Árný
   
   Sumarönn er núna í leikskólanum og starfið er að mestu frjálst og ekkert hópastarf er í gangi núna. Um miðjan júní fer fyrsti starfsmaðurinn í frí og sá síðasti kemur úr sumarfríi í byrjun september.
   
   33 börn eru að hætta í leikskólanum, 26 eru að fara í grunnskólann en 7 börn eru að hætta. 18 börn koma ný inn í leikskólann í haust.
   
   Öll börn fædd 2011 komast inn í leikskólann í haust. Ekki miklar starfsmannabreytingar, aðeins einn starfsmaður er að hætta og fer í leikskólakennaranám. Búið að ráða starfsmann í eldhúsið.
   
   Börnum úr sveitinni hefur staðið til boða að vera í leikskólanum frá tveimur upp í 5 daga í viku og er það ávallt nýtt að einhverju leyti.
   
   Rætt um skólaakstur fyrir leikskólabörn, þörf er á verklagsreglum. Ákveðið var að skoða þessi mál betur.
   
   Verið er að vinna við hljóðvist leikskólans og laga skiptiaðstöðuna.
   
   Nýbúið er að útskrifa elsta árgang leikskólans, 26 börn.
   
   
5. Drög að skóladagatali leikskólans kynnt
   
   Árný Jóna kynnti drög að Skóladagatali leikskólans 2012 – 2013, en verið er að leggja lokahönd á það.
   
   
6. Leikjanámskeið sumarsins kynnt
   
   Þröstur kom og kynnti leikjanámskeið sumarsins fyrir fundarmönnum, námskeiðið er á vegum íþróttafélagsins Dímon. Ákveðið að byrja á leikjanámskeiðunum fyrr þetta sumarið en í fyrra. Námskeiðin verða í 4 eða jafnvel 5 vikur og um er að ræða bæði yngri og eldri hópa.
   
   
7. Önnur mál:
   
   Fyrirspurn varðandi starfið í félagsmiðstöðinni. Miklar breytingar hafa orðið á starfi félagsmiðstöðvarinnar að undanförnu. Foreldrar þyrftu meiri og betri kynningu á starfi félagsmiðstöðvarinnar, sem er í boði fyrir börn á bæði mið- og elsta stigi.

Fundargerð lesin upp og fundi slitið kl. 18:5

Guðlaug Ósk Svansdóttir

Lárus Bragason

Guðmunda Þorsteinsdóttir 

Sigurlín Sveinbjarnardóttir

Árný Jóna Sigurðardóttir  

Pálína Björk Jónsdóttir

Ingibjörg Sæmundsdóttir  

Oddný Steina Valsdóttir

Arnheiður Einarsdóttir   

Esther Sigurpálsdóttir 

Gyða Björgvinsdóttir ritari