Félags- og skólaþjónusta Rangárvalla- og Vestur-Skaftafellssýslu

Félags- og skólaþjónusta Rangárvalla- og Vestur-Skaftafellssýslu bs. er byggðasamlag sem Ásahreppur, Rangárþing ytra, Rangárþing eystra, Mýrdalshreppur og Skaftárhreppur standa að.

Byggðasamlag um félagsþjónustu í Rangárvalla- og Vestur Skaftafellssýslu tók til starfa árið 2003. Stofnsamþykktum byggðasamlagsins var breytt á aukaaðalfundi í ágúst 2013. Um áramótin 2013 – 2014 bættist  lögbundin sérfræðiþjónusta sveitarfélaga við leik- og grunnskóla við starfsemina í kjölfar niðurlagningar Skólaskrifstofu Suðurlands sem haft hafði sérfræðiþjónustu á svæðinu með höndum frá árinu 1996. Þá verður til Skólaþjónustan og upp úr því heitir byggðasamlagið Félags- og skólaþjónustudeild Rangárvalla- og Vestur Skaftafellssýslu.

Í stjórn byggðasamlagsins sitja 5 fulltrúar, einn frá hverju sveitarfélagi sem aðild á að því.

Félagsþjónustan er til húsa að Suðurlandsvegi 1-3 á Hellu, sími 487-8125, en Skólaþjónustan að Austurvegi 4 á Hvolsvelli, sími 487-8107.

Nánari upplýsingar um hvora deild fyrir sig má finna á heimasíðunum hér fyrir neðan.

Félagsmál

Skólamál