Atvinnumál

Öflugur landbúnaður

Rangárþing eystra er eitt öflugasta landbúnaðarhérað landsins en sterkur landbúnaður er eitt helsta sérkenni sveitarfélagsins og sveitarstjórn vill stuðla að því að atvinnugreinin eflist og dafni. 

 

Stuðningur við verslun og þjónustu

Um leið og Rangárþing eystra vinnur að því að laða fyrirtæki á svæðið mun sveitarfélagið einnig standa vörð um þau sem fyrir eru.

 

Öflug ferðaþjónusta

Staðsetning, saga héraðsins og náttúrufegurð gera það að verkum að tækifæri í ferðaþjónustu eru gríðarleg. Mikilvægt er að sveitarfélagið leggi sitt af mörkum til að laða ferðamenn að.

 

Markaðssetning Rangárþings eystra

Markmið sveitarstjórnar er að fjölga íbúum og atvinnutækifærum. Rangárþing eystra mun því leggja áherslu á markaðssetningu sveitarfélagsins sem vænlegs búsetukosts og ná samstarfi við forsvarsmenn fleiri atvinnufyrirtækja um uppbyggingu þeirra hér.

 

Öflugt upplýsingastreymi

Sveitarstjórn hefur það markmið að íbúar hafi greiðan aðgang að upplýsingum um starfsemi, framtíðarsýn og starfsáætlun sveitarfélagsins.

 

Virkjum félagsheimilin

Rangárþing eystra býr svo vel að eiga sex félagsheimili í félagi við ýmis starfandi félög í sveitarfélaginu. Sveitarfélagið stefnir að því að gera samkomulag við íbúana á svæði hvers félagsheimilis, þannig að saman fari aðstaða þeirra til félagsstarfs og nýting húsnæðisins til eflingar byggðarinnar.