Tónlistarveislan ,,Iceland Inspires” hefur verið færð frá Hamragörðum undir Eyjafjöllum til Reykjavíkur, í Hljómskálagarðinn. Von er á óvenju krappri lægð við suðurströndina á morgun og þykir því ekki fært að ráðast í tónleikahald á þessum slóðum.

Ríkisstjórnin samþykkti á fundi sínum síðastliðinn föstudag að veita 791,7 milljónir króna til endurreisnar og vegna neyðaraðgerða í kjölfar eldgosanna í Eyjafjallajökli og á Fimmvörðuhálsi. Styðja á við uppbyggingarstarf á eldgosasvæðinu og treysta enn frekar störf þeirra sem komið hafa að neyðaraðgerðum, öryggismálum og endurreisn í kjölfar hamfaranna.

Á vegum samtaka bænda og sveitarfélaganna Rangárþings eystra, Mýrdalshrepps og Skaftárhrepps hefur verið sett á fót heymiðlun með það að markmiði að tryggja þeim bændum sem ekki hafa aðstöðu til þess að afla þeirra viðbótarheyja sem þarf vegna tjónsins af völdum gossins aðgang að góðu heyi.

Í september s.l. gaf Markaðsstofa Suðurlands út sameiginlegan landshlutabækling þar sem öll ferðaþjónustufyrirtæki eru grunnskráð, en það hafði ekki verið gert áður.

Opnuð hefur verið aðstaða fyrir sjúkraþjálfun í Heilsugæslustöðinni á Hvolsvelli. Var hún innréttuð með stuðningi Rauðakrossdeildar Rangárvallasýslu og fyrir framlag frá Kirkjuhvoli af erfðafé Jóns Tómassonar frá Uppsölum.

Æft var eftir nýrri flugslysaáætlun um helgina þegar flugslysaæfing fór fram á Bakkaflugvelli, en Bakkaflugvöllur hefur verið einn af umferðarmestu flugvöllum landsins undanfarin ár.

Forvarnardagurinn verður haldinn í þriðja sinn næstkomandi, fimmtudag, 6. nóvember, um land allt.